Prosiect newydd sy'n cefnogi ymgysylltiad clwstwr gofal sylfaenol

Sefydlwyd Diwrnod Diogelwch Cleifion y Byd gan Sefydliad Iechyd y Byd yn 2019 ac fe'i gwelir yn flynyddol ar 17 Medi. Amcanion y dydd yw gwella dealltwriaeth fyd-eang o ddiogelwch cleifion, cynyddu ymgysylltiad y cyhoedd â diogelwch gofal iechyd, a hyrwyddo gweithredu byd-eang i atal a lleihau niwed y gellir ei osgoi mewn gofal iechyd.

Mae'n ymddangos yn amserol heddiw y gallwn gyhoeddi ein prosiect diweddaraf sy'n galluogi ymgysylltiad Clwstwr Gofal Sylfaenol ar gyfer Canolfan Therapiwteg a Thocsicoleg Cymru Gyfan (AWTTC).

Gwahoddwyd Yma i weithio gyda Grŵp Strategaeth Meddyginiaethau Cymru Gyfan (AWMSG) i sefydlu fforwm ymgysylltu clwstwr gofal sylfaenol. Yn ystod y 12 mis nesaf, byddwn yn profi sut y gall y math hwn o ymgysylltu roi cyngor ar sut i lanio canllawiau newydd yn dda, gan roi sylw i sut mae pynciau'n cysylltu â'r hyn sy'n bwysig i'r bobl sy'n gweithio ym maes gofal sylfaenol. Bydd hefyd yn lle i roi adborth ar sut mae gweithredu canllawiau newydd wedi datblygu ym maes gofal sylfaenol; ac i dynnu sylw at gwestiynau a phynciau posibl i'w hystyried yn y dyfodol.

Dywed Kath Haines, Pennaeth Uned Cymorth Rhagnodi Dadansoddol Cymru (WAPSU) yn AWTTC "Mae'r AWMSG a'r AWTTC wedi ymrwymo i wella ymgysylltiad â chlinigwyr GIG Cymru. Rydym yn edrych ymlaen at weithio mewn partneriaeth ag Yma i ddatblygu canllawiau rhagnodi ac offer ymarferol mewn cynghrair ag ymarferwyr cyffredinol sydd â rôl arweiniol rhagnodi, i gefnogi'r gwaith o hyrwyddo arfer gorau ac yn y pen draw i wella diogelwch cleifion yng Nghymru."

Rydym yn gyffrous iawn am y bartneriaeth newydd hon ac edrychwn ymlaen at gymryd cam arall tuag at greu'r amodau lle mae gofal sylfaenol yng Nghymru yn ffynnu.